Brief van Peegie
Beste Moaten en Moatinnegies,
We zijn hier were met oesne joarlikse brief voor jundre t’inviteren voa de feeste van de Maten van Peegie, lik oltid in septembre. Al were uut congé ? Antnette en ik woaren een weke an de zee, met dat goe were wilden we in België bluven. In Spanje was het veel te warme, dus we huurden een huzegie in Den Haan. Wandelen langs het strand, een mondje eten en nu en ton een dranksgie, meer moet dadde niet zijn. Op zeker moment waren we een ende verre gewandeld en waren we al in Bredene. Verdomme, zei ik tegen Antnette, we goan hier nen keer gaan loeren naar dat naaktstrand. Maar ze was daarmee niet akkoord, ‘k moeste te vierklauwe min karre keren en were naar Den Haan.
Enfin, ge zijt als moat van Peegie allemoale geïnviteerd voor de jaarlijkse feeste van de Moaten van Peegie en dadde op -lik oltid – den tweeden vrijdag van septembre. DE 42STE keer !!! Dus vriedag den twaalfden septembre !!!
We goan were nen hoop nieuwe moaten introniseren te zessen’s avonds an min beeld up de Grote Markt van Roeselare. (de nieuwe moaten moeten dus up tid zijn, ze kriegn zieder nog nen aparten iemeel. Achterna goan we allemoale een gloazegie drinken met dank aan stad Roeselare. Moeste het slecht were zijn, d’intronisatie is doar wok.
’t Is tons nateurlik nog niet gedoan ! We trekken noar de Vossenberg in Hooglede (Hogestraat 194) tegen te zevenenhalf.
D’er is receptie van een eure met cava brut binst een heure en dadde met drie goed ‘hapkies’. An tafel ist er eerst een warm voorgerecht: schelvis, daarachtre pluma up de grill, nen dessert en kaffie met zoetigheden. En nateurlik met frisdranken, wijnen, bieren. Het Berek heeft ook voorzien om nog een glazegie an te bieden achter dadde alles zodanig daj’ niet meer moet in jundrenen portemonnee scharten
En der is wok were het blinkdozenspel, de zilveren moaten en misschien de moat van ’t joar. Het Berek êt were nen moat van ’t joar gekozen moar het Berek loat dadde moar den avond zelve weten, daarom moet die persoon (m/v) ingeschreven zijn. We sluutn klassiek af met ‘t snuten van de keise up de tonen van Il Silenzo.
Wu’k gaat dat spel hier kosten ? Wel voor alles inbegrepen (onze kosten van den brief, de menu en het glazegie achteraf: 79 euro. Hier kan je het volledige programma vinden en inschrijven.
’t Berek hoopt nateurlik dat er were verschrikkelijk veel moaten aanwezig gaan zijn, wok de zilveren moaten die een speciale blinkdoze krijgen. Tot binnenkort !!!